തിരുവനന്തപുരം: ചെങ്ങന്നൂരില്‍ വോട്ട് തന്നെ വന്നു വീഴുമെന്നായിരുന്നു കോണ്‍ഗ്രസ് നേതൃത്വത്തിന്റെ വിലയിരുത്തലെന്ന് യൂത്ത് കോണ്‍ഗ്രസ് നേതാവ് ഡീന്‍ കുര്യാക്കോസിന്റെ പരിഹാസം. പാര്‍ട്ടി നേതൃത്വം കാര്യങ്ങളെ ലാഘവത്തോടെ സമീപിച്ചതാണ് ചെങ്ങന്നൂര്‍ തോല്‍വിക്ക് കാരണമെന്ന് ഡീന്‍ പറഞ്ഞു.
ചെങ്ങന്നൂരില്‍ പാര്‍ട്ടി നേതൃത്വത്തിന് വീഴ്ച പറ്റി. കാര്യങ്ങളെ പാര്‍ട്ടി ലാഘവത്തോടെയാണ് സമീപിച്ചത്. താഴെത്തട്ടിലുള്ള അണികളെ സംരക്ഷിക്കാന്‍ കോണ്‍ഗ്രസിനാവുന്നില്ലെന്നും ഡീന്‍ പറഞ്ഞു.
കെഎസ് യു സംസ്ഥാന പ്രസിഡന്റ് കെഎം അഭിജിത് ചെങ്ങന്നൂര്‍ പരാജയത്തില്‍ നേതൃത്വത്തെ കുറ്റപ്പെടുത്തി രംഗത്തുവന്നിരുന്നു. ഇതിനു പിന്നാലെയാണ് യൂത്ത് കോണ്‍ഗ്രസും നേതൃത്വത്തെ വിമര്‍ശിക്കുന്നത്.
തമ്മിലടിക്കുന്ന നേതാക്കള്‍ പാര്‍ട്ടിക്ക് വേണ്ടി പ്രവര്‍ത്തിക്കണമെന്നായിരുന്നു കെഎസ്‌യുവിന്റെ വിമര്‍ശനം. അല്ലെങ്കില്‍ പാര്‍ട്ടി ഒന്നുമല്ലാതെ പോകും. സംഘടന സംവിധാനത്തില്‍ അഴിച്ചുപണി വരണമെന്നും കെഎസ്‌യു ആവശ്യപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ