തിരുവനന്തപുരം: എഴുത്തുകാരിയും അധ്യാപികയുമായ പ്രൊഫസര് ബി. സുജാതാദേവി (72)അന്തരിച്ചു. തിരുവനന്തപുരം എസ് യു ടി ആശുപത്രിയില് ചികിത്സയിലായിരുന്നു.
പ്രമുഖ കവയത്രി സുഗതകുമാരി ടീച്ചറുടെയും പരേതയായ ഹൃദയകുമാരി ടീച്ചറുടെയും സഹോദരിയാണ്.പരേതനായ അഡ്വക്കേറ്റ് വി ഗോപാലകൃഷ്ണന്നായരാണ് ഭര്ത്താവ്. മക്കള് പരമേശ്വരന്, പരേതനായ ഗോവിന്ദന്,പത്മനാഭന്. മരുമക്കള്: സ്വപ്ന, വിനീത, സോണാള്.
മൃതദേഹം ഉച്ചവരെ സുഗതകുമാരിടീച്ചറുടെ വസതിയില് പൊതുദര്ശനത്തിന് വയ്ക്കും. സംസ്കാരച്ചടങ്ങുകള് ഉച്ചകഴിഞ്ഞ് മൂന്ന് മണിക്ക് തൈക്കാട് ശാന്തികവാടത്തില് നടക്കും.
വിവിധ സര്ക്കാര് കോളെജുകളില് ഇംഗ്ലീഷ് പ്രൊഫസറായി ജോലി ചെയ്തിട്ടുണ്ട്. സഞ്ചാരസാഹിത്യത്തിന് കേരള സാഹിത്യ അക്കാദമിയുടെ പുരസ്കാരം ലഭിച്ചു. 'കാടുകളുടെ താളം തേടി' ഉള്പ്പടെ നിരവധി പുസ്തകങ്ങള് പ്രസിദ്ധീകരിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ