പാലക്കാട് : മലപ്പുറം എടപ്പാളില്‍ സിനിമാ തീയേറ്ററില്‍ വെച്ച് കൊച്ചുകുഞ്ഞിനെ ലൈംഗികമായി ആക്രമിച്ച കേസില്‍ ശക്തമായ നടപടികള്‍ ഉണ്ടാകണമെന്ന് വിടി ബല്‍റാം എംഎല്‍എ. പ്രതി തൃത്താല സ്വദേശിയാണെന്നത് നാടിന് അപമാനകരമാണെന്നും ബല്‍റാം ഫെയ്‌സ്ബുക്ക് പോസ്റ്റില്‍ അഭിപ്രായപ്പെട്ടു.
പരാതി അന്വേഷിക്കാന്‍ പോലീസ് കാട്ടിയ അമാന്തം ഗൗരവമായി അന്വേഷിക്കണം. പ്രതിയെ രക്ഷിക്കാന്‍ രാഷ്ട്രീയ ഇടപെടലുകള്‍ ഉണ്ടാകുന്നില്ല എന്നും ഉറപ്പുവരുത്തണമെന്ന് ബല്‍റാം ആവശ്യപ്പെട്ടു.
ഫെയ്‌സ്ബുക്ക് പോസ്റ്റിന്റെ പൂര്‍ണരൂപം
എടപ്പാളിലെ സിനിമാ തീയേറ്ററില്‍ വെച്ച് കൊച്ചുകുഞ്ഞിനെ ലൈംഗികമായി ആക്രമിച്ച കേസില്‍ ശക്തമായ നടപടികള്‍ ഉണ്ടാവേണ്ടതുണ്ട്. പ്രതി തൃത്താല സ്വദേശിയാണെന്നത് നാടിന് അപമാനകരമാണ്. ചൈല്‍ഡ് ലൈന്‍ പ്രവര്‍ത്തകര്‍ തെളിവ് സഹിതം നല്‍കിയ പരാതി അന്വേഷിക്കാന്‍ പോലീസ് കാട്ടിയ അമാന്തവും ഗൗരവതരമായി അന്വേഷിക്കപ്പെടണം. പ്രതിയെ രക്ഷിക്കാന്‍ രാഷ്ട്രീയ ഇടപെടലുകള്‍ ഉണ്ടാകുന്നില്ല എന്നും ഉറപ്പുവരുത്തണം. ദൃശ്യങ്ങള്‍ സഹിതം വാര്‍ത്ത പുറത്തെത്തിച്ച മാധ്യമങ്ങള്‍ക്ക് അഭിനന്ദനങ്ങള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ