ശബരിമല ദര്‍ശനത്തിന് പോയ പന്തളം സ്വദേശി ശിവദാസിന്റെ മൃതദേഹം പത്തനംതിട്ട ളാഹയില്‍ കണ്ടെത്തിയതിനെ രാഷ്ട്രീയമായി ഉപയോഗിക്കാന്‍ ബിജെപി നേതൃത്വം. ശാവദാസിനെ ബലിദാനിയാക്കിക്കൊണ്ട് ഫേയ്‌സ്ബുക്കില്‍ പോസ്റ്റിട്ടിരിക്കുകയാണ് ബിജെപി നേതാവ് കെ. സുരേന്ദ്രന്‍. ശിവദാസന്റെ വീരബലിദാനം അയ്യപ്പധര്‍മ്മം നിലനില്‍ക്കുന്നിടത്തോളം കാലം ഓര്‍മിക്കപ്പെടുമെന്നാണ് ഫേയ്‌സ്ബുക്കില്‍ പോസ്റ്റ് ചെയ്ത കുറിപ്പില്‍ പറയുന്നത്. പിണറായി വിജയനെ രൂക്ഷമായി വിമര്‍ശിക്കുന്നതാണ് കുറിപ്പ്.
കെ.സുരേന്ദ്രന്റെ ഫേയ്‌സ്ബുക് പോസ്റ്റ്
ഈ കൊലയ്ക്കുത്തരവാദി പിണറായി വിജയനാണ്. അയ്യപ്പധര്‍മ്മം കാക്കാന്‍ ബലിദാനിയായ ശ്രീ ശിവദാസ്, അങ്ങയുടെ വീരബലിദാനം അയ്യപ്പധര്‍മ്മം നിലനില്‍ക്കുന്നിടത്തോളം കാലം ഓര്‍മ്മിക്കപ്പെടും. ഇനിയും പിണറായി കോപ്പുകൂട്ടുന്നുണ്ട് വിശ്വാസികളെ കൊന്നൊടുക്കാന്‍. അഞ്ചാംതീയതി നടതുറക്കുമ്പേള്‍ ഇതും ഇതിലപ്പുറവും പിണറായിയുടെ പോലീസ് ചെയ്യും. ആയിരങ്ങളെ ഇല്ലാതാക്കിയാലും പിണറായി വിജയന്റെ ഉള്ളിലിരിപ്പ് നടക്കാന്‍ പോകുന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ