പത്തനംതിട്ട: മണ്ഡലക്കാലത്തിന് മുന്നോടിയായി ടിക്കറ്റ് നിരക്ക് കുത്തനെ വര്‍ധിപ്പിച്ചു കെഎസ്ആര്‍ടിസി. പത്തനംതിട്ട- പമ്പ റൂട്ടില്‍ 100 രൂപയാണ് ടിക്കറ്റ് നിരക്ക്. 27 രൂപയുടെ വര്‍ധനയാണ് വരുത്തിയിരിക്കുന്നത്.

നേരത്തെ ഈ റൂട്ടില്‍ 73 രൂപയായിരുന്നു ടിക്കറ്റ് നിരക്ക്. തീര്‍ത്ഥാടനക്കാലത്തെ തിരക്ക് കണക്കിലെടുത്താണ് നിരക്ക് വര്‍ധിപ്പിച്ചതെന്ന് ആക്ഷേപം ഉയര്‍ന്നിട്ടുണ്ട്. നേരത്തെ നിലയ്ക്കല്‍ പമ്പ റൂട്ടില്‍ നിരക്ക് വര്‍ധിപ്പിച്ചതും വ്യാപക ആക്ഷേപത്തിന് ഇടയാക്കിയിരുന്നു. 31 രൂപയില്‍ നിന്ന് 40 രൂപയായാണ് വര്‍ധിപ്പിച്ചത്. ഇതിനെതിരെ ചിലര്‍ ഹൈക്കോടതിയെ സമീപിച്ചുവെങ്കിലും കെഎസ്ആര്‍ടിസിയുടെ ടിക്കറ്റ് നിരക്ക് കോടതി അംഗീകരിക്കുകയായിരുന്നു. വര്‍ധന ചോദ്യം ചെയ്തുളള ഹര്‍ജി തളളിയായിരുന്നു കോടതി നടപടി.