തിരുവനന്തപുരം : ബിജെപി സംസ്ഥാന ജനറല്‍ സെക്രട്ടറി കെ സുരേന്ദ്രന് ജാമ്യം. നെയ്യാറ്റിന്‍കര തഹസില്‍ദാരെ ഉപരോധിച്ച കേസിലാണ് സുരേന്ദ്രന് ജാമ്യം നല്‍കിയത്. നെയ്യാറ്റിന്‍കര ഉപതെരഞ്ഞെടുപ്പിനിടെയായിരുന്നു സംഭവം.
അതേസമയം സന്നിധാനത്ത് 52 കാരിയെ വധിക്കാന്‍ ഗൂഢാലോചന നടത്തി എന്ന കേസില്‍ കെ സുരേന്ദ്രന് നല്‍കിയ ജാമ്യാപേക്ഷ പത്തനംതിട്ട കോടതി ഇന്ന് പരിഗണിക്കും. ചിത്തിര ആട്ട വിശേഷത്തിന് ദര്‍ശനത്തിനെത്തിയ സ്ത്രീയെ ആക്രമിച്ച സംഭവത്തില്‍ ഗൂഢാലോചനയില്‍ സുരേന്ദ്രനും പങ്കുണ്ടെന്നാണ് കേസ്.
കേസില്‍ സുരേന്ദ്രന് നല്‍കിയ ജാമ്യാപേക്ഷ റാന്നി മജിസ്‌ട്രേറ്റ് കോടതി നേരത്തെ തള്ളിയിരുന്നു. സന്നിധാനത്തെ നിരോധനാജ്ഞ ലംഘിച്ച കേസില്‍ സുരേന്ദ്രന് കോടതി ജാമ്യം അനുവദിച്ചിരുന്നു. പൊലീസ് ഉദ്യോഗസ്ഥരെ ഭീഷണിപ്പെടുത്തിയ കേസില്‍ കണ്ണൂര്‍ കോടതിയും ജാമ്യം നല്‍കിയിരുന്നു. എന്നാല്‍ ഗൂഢാലോചന കേസ് ഉള്ളതിനാല്‍ പുറത്തിറങ്ങാനായിരുന്നില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ