തിരുവനന്തപുരം: അറബിക്കടലില്‍ ലക്ഷദ്വീപിന് സമീപം രൂപംകൊണ്ട ന്യൂനമര്‍ദം സംസ്ഥാനത്തെ ഏറ്റവും കൂടുതല്‍ ബാധിക്കുക ഞായറാഴ്ചയാണെന്ന് കേന്ദ്ര കാലാവസ്ഥ നിരീക്ഷണ കേന്ദ്രം. ഇന്നുമുതല്‍ സംസ്ഥാനത്തും തമിഴ്‌നാട്ടിലും കനത്ത മഴയ്ക്കും കാറ്റിനും സാധ്യതയുണ്ടെന്നാണ് മുന്നറിയിപ്പ്. 

വ്യാഴാഴ്ച അപകടകരമാം വിധം മഴ ലഭിക്കില്ല, യെല്ലോ അലര്‍ട്ടാണ് ഇന്നത്തേക്ക് പ്രഖ്യാപിച്ചിരിക്കുന്നത്. ന്യൂനമര്‍ദം രൂപപ്പെടും എന്ന് പ്രതീക്ഷിക്കുന്നത് വെള്ളിയാഴചയാണ്. നാളെ ഗ്രീന്‍ അലര്‍ട്ടാണ്, പരിഭ്രമിക്കേണ്ട കാര്യമില്ല. ശനിയാഴ്ചത്തേക്ക് ഓറഞ്ച് അലര്‍ട്ടാണ് പുറപ്പെടുവിച്ചിരിക്കുന്നത്. വെള്ളിയാഴ്ചക്ക് അകം കടലില്‍പ്പോയ മത്സ്യത്തൊഴിലാളികള്‍ തിരിച്ചെത്തണം. ഞായറാഴ്ചയാണ് റെഡ് അലര്‍ട്ട്. കാറ്റും മഴയും ശക്തിപ്രാപിക്കുന്നത് അന്നാണ്. സ്ഥിതിഗതികള്‍ ഗുരുതരമാകും എന്നാണ് സൂചന.