കോട്ടയം: തെരഞ്ഞെടുപ്പ് പ്രചാരണത്തിന്റെ കൊട്ടിക്കലാശ ദിനത്തിൽ കോട്ടയം ലോക്സഭാ മണ്ഡലത്തിൽ ആഘോഷങ്ങൾ ഒഴിവാക്കാൻ യുഡിഎഫ് തീരുമാനം. കേരള കോൺഗ്രസ് എം ചെയർമാനായിരുന്ന കെഎം മാണിയുടെ വേർപാടിനെ തുടർന്നാണ് ആഘോഷങ്ങൾ ഒഴിവാക്കാൻ തീരുമാനിച്ചിരിക്കുന്നത്.
ശബ്ദ പ്രചാരണം സമാപിക്കുന്ന ഞായറാഴ്ച വൈകീട്ട് പാലാ മണ്ഡലത്തിലെ തെരഞ്ഞെടുപ്പ് കമ്മിറ്റി ഓഫീസിന് മുന്നിൽ പ്രാർഥന നടത്തും. മറ്റ് ആറ് മണ്ഡലത്തിലും പ്രചാരണ സമാപനം ശാന്തമായിരിക്കണമെന്നും നിർദേശിച്ചിട്ടുണ്ട്.
വ്യാഴാഴ്ച പാലായിൽ നടന്ന യുഡിഎഫ് സ്ഥാനർഥിയുടെ പര്യടനം കെഎം മാണിയുടെ സ്മൃതി യാത്രയായി മാറി. മാണി അന്ത്യ വിശ്രമം കൊള്ളുന്ന സെയ്ന്റ് തോമസ് കത്തീഡ്രലിൽ നിന്നാണ് സ്മൃതി യാത്ര ആരംഭിച്ചത്. മാണിയുടെ ഛായാ ചിത്രം വഹിച്ചായിരുന്നു യാത്ര. പ്രചാരണ രംഗത്ത് നിഴലിക്കുന്ന മാണിയുടെ അസാന്നിധ്യം അദ്ദേഹത്തിന്റെ ഓർമകളിലൂടെ മറികടക്കാനാണ് യുഡിഎഫ് ശ്രമം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ