നാദാപുരം: വോട്ട് ചെയ്തതിന് പിന്നാലെ യുവതി ആശുപത്രിയില്‍ കുഞ്ഞിന് ജന്‍മം നല്‍കി. വാണിമേല്‍ താനമഠത്തില്‍ മുനീറിന്റെ ഭാര്യ റഹീനയാണ് സുഖപ്രസവത്തലൂടെ പെണ്‍കുഞ്ഞിന് ജന്‍മം നല്‍കിയത്. കോഴിക്കോട് ജില്ലയില്‍ നാദാപുരത്താണ് സംഭവം.
പൂര്‍ണ്ണഗര്‍ഭിനിയായ റഹീന ഇന്നലെ രാവിലെ ഒന്‍പത് മണിയോടെയാണ് വാണിമേല്‍ ക്രെസന്റ് ഹയര്‍സെക്കന്‍ഡറി സ്‌കൂളിലെ 82ാം നമ്പര്‍ ബൂത്തില്‍ വോട്ട് ചെയ്യാനെത്തിയത്. വോട്ട് ചെയ്തതിന് ശേഷം യുവതിയെ ബന്ധുക്കള്‍ കോഴിക്കോട് സ്വകാര്യ ആശുപത്രിയില്‍ എത്തിക്കുകയായിരുന്നു. തുടര്‍ന്ന് ഉച്ചയോടെ റഹീന പെണ്‍കുഞ്ഞിന് ജന്‍മം നല്‍കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ