കോട്ടയം: കോട്ടയം വഴി പോകുന്ന കായംകുളം- എറണാകുളം- കായംകുളം പാസഞ്ചറുകള്‍ റദ്ദാക്കിയത് ഒരു മാസത്തേക്ക് കൂടി നീട്ടിവെച്ചു. പാളം നവീകരണം നടക്കുന്നതിനാലാണ് ട്രെയിന്‍ റദ്ദാക്കിയത് നീട്ടിവെച്ചതെന്ന് റെയില്‍വേ അറിയിച്ചു.

ഇന്ന് മുതല്‍ 31 വരെയാണ് റെയില്‍വേ വീണ്ടും ട്രെയിനുകള്‍ റദ്ദാക്കിയത്. രാവിലെ 12.30ന് എറണാകുളത്ത് നിന്ന് കായംകുളത്തേക്ക് പോകുന്ന പാസഞ്ചറും വൈകീട്ട് 5.05ന് കായംകുളത്ത് നിന്ന് എറണാകുളത്തേക്ക് പുറപ്പെടുന്ന പാസഞ്ചറുമാണ് റദ്ദാക്കിയത്.