തൃശൂര്‍ : നിയമം ലംഘിക്കുന്നത് എത്ര ഉന്നതനായാലും മുഖം നോക്കാതെ നടപടി എടുക്കുമെന്ന് മുഖ്യമന്ത്രി പിണറായി വിജയന്‍. സ്ഥാനമോ പദവിയോ പൊലീസിന്റെ കൃത്യനിര്‍വഹണത്തിന് തടസ്സമാകില്ല. തെറ്റു ചെയ്താല്‍ ശിക്ഷിക്കപ്പെടും. ഏത് ഉന്നതനായാലും പ്രത്യേക പരിഗണനയില്ലെന്ന് മുഖ്യമന്ത്രി പറഞ്ഞു.
പൊലീസിന്റെ ലോക്കപ്പ് മര്‍ദനവും മുന്നാംമുറയും സര്‍ക്കാര്‍ വെച്ചുപൊറുപ്പിക്കില്ല. കുറ്റം ചെയ്ത പൊലീസുകാരെ സംരക്ഷിക്കില്ല. ചിലരുടെ മോശം പെരുമാറ്റം സേനയുടെ നേട്ടങ്ങളെ കുറച്ചുകാണിക്കുന്നുവെന്നും മുഖ്യമന്ത്രി പറഞ്ഞു.
സര്‍വേ ഡയറക്ടര്‍ ശ്രീറാം വെങ്കിട്ടരാമന്‍ ഓടിച്ച കാര്‍ ഇടിച്ച് മാധ്യമപ്രവര്‍ത്തകന്‍ മരിച്ച സംഭവം വിവാദമായിരുന്നു. കേസില്‍ മദ്യലഹരിയിലായിരുന്ന ശ്രീറാമിനെ രക്ഷിക്കാന്‍ പൊലീസ് ഒത്തുകളിച്ചെന്ന ആക്ഷേപവും ശക്തമായിരുന്നു. സിറാജ് ദിനപ്പത്രത്തിന്റെ തിരുവനന്തപുരം യൂണിറ്റ് ചീഫ് കെ എം ബഷീറാണ് അപകടത്തില്‍ മരിച്ചത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ