തിരുവനന്തപുരം; സംസ്ഥാനത്ത് ഇന്ന ഏഴു ജില്ലകളില് വ്യാപക മഴയ്ക്കു സാധ്യതയെന്നു മുന്നറിയിപ്പ്. ഏഴു ജില്ലകളില് ഇന്നും നാലു ജില്ലകളില് നാളെയും യെല്ലോ അലര്ട്ട് പ്രഖ്യാപിച്ചു. ബംഗാള് ഉള്ക്കടലില് രൂപംകൊണ്ട പുതിയ ന്യൂനമര്ദം ശക്തമാകുന്ന സാഹചര്യത്തിലാണ് മഴ കനക്കുന്നത്.
ആലപ്പുഴ, കോട്ടയം, എറണാകുളം, ഇടുക്കി, മലപ്പുറം, കോഴിക്കോട്, കണ്ണൂര് ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിട്ടുള്ളത്. ഈ ജില്ലകളില് ഒറ്റപ്പെട്ട കനത്ത മഴയ്ക്കു സാധ്യതയുണ്ട്. നേരത്തെ അഞ്ചു ജില്ലകളിലായിരുന്നു യെല്ലോ അലര്ട്ട് പ്രഖ്യാപിച്ചിരുന്നത്.
നാളെയും മറ്റന്നാളും ഇടുക്കി, മലപ്പുറം, കോഴിക്കോട്, കണ്ണൂര് ജില്ലകളില് യെല്ലോ അലര്ട്ടുണ്ട്. മറ്റന്നാള് കാസര്ക്കോടും മഴയ്ക്കു സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
കടലില് ശക്തമായ കാറ്റിന് സാധ്യതയുള്ളതിനാല് തെക്കു പടിഞ്ഞാറ് അറബിക്കടല്, മഹാരാഷ്ട്ര, ഗോവ, കര്ണാടക തീരങ്ങളില് മത്സ്യബന്ധനത്തിന് പോകരുതെന്നും കാലാവസ്ഥ കേന്ദ്രം മുന്നറിയിപ്പു നല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ