ചേർത്തല : ട്രാൻസ്ഫോമറിൽ നിന്ന് തീ പടർന്ന് വീട് കത്തി നശിച്ചു. പട്ടണക്കാട് തൈപ്പറമ്പിൽ ഫിലിപ്പിന്റെ വീടാണ് കത്തി നശിച്ചത്. വീട്ടിലെ ഉപകരണങ്ങളും മറ്റ് രേഖകളും എല്ലാം തീ പിടിത്തത്തിൽ പൂർണമായും നശിച്ചു.അടുക്കളയിലെ ​ഗ്യാസ് സിലിണ്ടറിലേക്കും തീ പിടിച്ച് പൊട്ടിത്തെറിച്ചതായും ഫയർഫോഴ്സ് ഉദ്യോ​ഗസ്ഥർ പറയുന്നു.

അപകടസമയത്ത് വീട്ടിൽ ആരും ഉണ്ടായിരുന്നില്ല. കുട്ടികൾ സ്കൂളിലും ഫിലിപ്പും ഭാര്യയും ജോലിക്കും പോയിരുന്നതിനാലും ആളപായം ഒഴിവാകുകയായിരുന്നുവെന്ന് പൊലീസ് അറിയിച്ചു. അഞ്ച് ലക്ഷത്തോളം രൂപയുടെ നഷ്ടമാണ് കണക്കാക്കുന്നത്.