മഞ്ചേശ്വരം: കാസര്‍കോട് വനിതാ മതിലിനിടെ സംഘര്‍ഷം. ചേറ്റുകുണ്ടില്‍ വനിതാ മതിലില്‍ പങ്കെടുക്കാനെത്തിയ സ്ത്രീകള്‍ക്ക് നേരെ കല്ലേറുണ്ടായതിനെ തുടര്‍ന്നാണ് സംഘര്‍ഷമുണ്ടായത്. ആര്‍എസ്എസ് പ്രവര്‍ത്തകരാണ് സംഘര്‍ഷമുണ്ടാക്കിയതെന്ന് സിപിഎം ആരോപിച്ചു.
റോഡ് കയ്യേറി മതില്‍ തടസ്സപ്പെടുത്താന്‍ ആര്‍എസ്എസ് പ്രവര്‍ത്തകര്‍ ശ്രമിച്ചുവെന്നും മതിലിന് സമീപം തീയിട്ടുവെന്നും സ്ത്രീകള്‍ പറയുന്നു. പുക ഉയര്‍ന്നതോടെ സ്ഥലത്ത് നില്‍ക്കാനാവാത്ത സ്ഥിതിയുണ്ടായി. ഇത് ചോദ്യം ചെയ്തതാണ് സംഘര്‍ഷത്തിനും കല്ലേറിനും കാരണമായത്. സംഘര്‍ഷത്തെ തുടര്‍ന്ന് പൊലീസ് ലാത്തി വീശിയാണ് സ്ഥിതിഗതികള്‍ ശാന്തമാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ