കോഴിക്കോട്: പേരാമ്പ്രയില്‍ മലബാര്‍ ദേവസ്വം ബോര്‍ഡംഗം ശശികുമാറിന്റെ വീടിന് നേരെ ബോംബേറ്. ഇന്നലെ രാത്രിയോടെയാണ് വീടിന് നേരെ സ്റ്റീല്‍ ബോംബുകള്‍ അക്രമികള്‍ എറിഞ്ഞത്. യാതൊരു രാഷ്ട്രീയപാര്‍ട്ടിയുമായും ബന്ധമില്ലാത്ത ആളാണ് താനെന്നും മലബാര്‍ ദേവസ്വം ബോര്‍ഡ് അംഗമായതിന്റെ പേരിലാവാം ആക്രമണമെന്നും ശശികുമാര്‍ പറഞ്ഞു.
ശബരിമലയില്‍ യുവതികള്‍ പ്രവേശിച്ചതിനെ തുടര്‍ന്ന് ഇന്നലെ നടന്ന ഹര്‍ത്താലിനും അക്രമങ്ങള്‍ക്കും പിന്നാലെയാണ് രാത്രിയില്‍ ആക്രമണം നടന്നത്. സംഭവത്തില്‍ പേരാമ്പ്ര പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ