കൊച്ചി : ഒരു വകുപ്പിലും പിന്‍വാതില്‍ നിയമനം അനുവദിക്കരുതെന്ന് ഹൈക്കോടതി. ഇത്തരം നിയമനം ഒരു വകുപ്പിലും അംഗീകരിക്കാനാകില്ലെന്നും കോടതി അഭിപ്രായപ്പെട്ടു. കെഎസ്ആര്‍ടിസി കേസ് പരിഗണിക്കുമ്പോഴായിരുന്നു കോടതി പരാമര്‍ശം. കണ്ടക്ടര്‍ നിയമനങ്ങള്‍ സംബന്ധിച്ച് കെഎസ്ആര്‍ടിസി ഹൈക്കോടതിയില്‍ സത്യവാങ്മൂലം സമര്‍പ്പിച്ചു.
കെഎസ്ആര്‍ടിസിയില്‍ ഇനി ഒഴിവില്ലെന്നാണ് കെഎസ്ആര്‍ടിസി കോടതിയെ അറിയിച്ചത്. പിഎസ് സി വഴി കെഎസ്ആര്‍ടിസിയില്‍ 1421 പേര്‍ക്ക് കണ്ടക്ടറായി നിയമനം നല്‍കി. 71 പേര്‍ ജോയിന്‍ ചെയ്യുന്നതിന് കൂടുതല്‍ സാവകാശം ചോദിച്ച് കത്ത് നല്‍കിയിട്ടുണ്ട്. ആകെ അഡൈ്വസ് മെമ്മോ നല്‍കിയത് 3941 പേര്‍ക്കാണെന്നും കെഎസ്ആര്‍ടിസി സത്യവാങ്മൂലത്തില്‍ അറിയിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ