കോട്ടയം : മലങ്കര കത്തോലിക്ക സഭ തിരുവല്ല അതിരൂപത മുന്‍ അധ്യക്ഷന്‍ ഗീവര്‍ഗീസ് മാര്‍ തിമോത്തിയോസ് (93) കാലം ചെയ്തു. ഭൗതികശരീരം ഇന്ന് ഉച്ചവരെ തിരുവല്ല പുഷ്പഗിരി മെഡിക്കല്‍ കോളേജിലെ ചാപ്പലില്‍ പൊതുദര്‍ശനത്തിന് വെക്കും. കബറടക്കം വ്യാഴാഴ്ച തിരുവല്ല സെന്റ് ജോണ്‍സ് കത്തീഡ്രലില്‍ നടക്കും.
വാര്‍ധക്യസഹജമായ അസുഖങ്ങളെ തുടര്‍ന്ന് തിരുവല്ല പുഷ്പഗിരി മെഡിക്കല്‍ കോളേജില്‍ ചികില്‍സയിലായിരുന്നു അദ്ദേഹം. തിരുവല്ല രൂപതയെ 15 വര്‍ഷം ഗീവര്‍ഗീസ് മാര്‍ തിമോത്തിയോസ് നയിച്ചു.
തിരുവല്ല പുഷ്പഗിരി മെഡിക്കല്‍ കോളജിന്റെ പ്രാരംഭദശയില്‍ ഗീവര്‍ഗീസ് മാര്‍ തിമോത്തിയോസ് രക്ഷാധികാരിയായി പ്രവര്‍ത്തിച്ചു. തിരുവല്ല മാര്‍ അത്തനാസിയോസ് കോളജ് ഫോര്‍ അഡ്വാന്‍സ്ഡ് സ്റ്റഡീസ്, ചെങ്ങരൂര്‍ മാര്‍ സേവേറിയോസ് കോളജ് ഫോര്‍ ടീച്ചര്‍ എജ്യുക്കേഷന്‍ എന്നീ സ്ഥാപനങ്ങളും മാര്‍ തിമോത്തിയോസിന്റെ ഭരണകാലത്ത് ആരംഭിച്ചവയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ