മാനന്തവാടി: തൊഴിലുറപ്പ് ജോലിക്കിടെ ചായക്കുടിക്കാന്‍ വീട്ടിലെത്തിയ യുവതി വെട്ടേറ്റു മരിച്ചു. വാളാട് പ്രശാന്തിഗിരി മടത്താശ്ശേരി ബൈുവിന്റെ ഭാര്യ സിനിയാണ് മരിച്ചത്. തിങ്കളാഴ്ചയാണ് സംഭവം.
തൊഴിലുറപ്പ് ജോലിക്കിടെ ചായകുടിക്കാന്‍ പോയ യുവതി സമയമേറെ കഴിഞ്ഞിട്ടും മടങ്ങിയെത്തിയില്ല. തുടര്‍ന്ന നടത്തിയ തെരച്ചിലിനിടയിലാണ് വീടിനകത്ത് രക്തത്തില്‍ കുളിച്ച് കിടക്കുന്നത് കണ്ടെത്തിയത്. നേരീയ ജീവനുണ്ടായിരുന്ന സിനിയെ മാനന്തവാടി ജില്ല ആശുപത്രിയിലെത്തിച്ചെങ്കിലും രക്ഷിക്കാനായില്ല. കഴുത്തിന് ആഴത്തിലുള്ള വെട്ടേറ്റതാണ് മരണകാരണം.
സംഭവത്തില്‍ സിനിയുടം അയല്‍വാസിയും ബന്ധുവുമായ നെടുമല ദേവസ്യയെ പൊലീസ് കസ്റ്റഡിയിലെടുത്തു. അതിര്‍ത്തിതര്‍ക്കമാണ് കൊലയ്ക്ക് കാരണമെന്നാണ് സംശയം. മൃതദേഹം പോസ്റ്റുമോര്‍ട്ടത്തിന് ശേഷം ചൊവ്വാഴ്ച സംസ്‌കരിക്കും
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ