കൊച്ചി: വിമാനത്തിനുള്ളില്‍ മദ്യപിച്ച് ബഹളമുണ്ടാക്കിയ ആളെ സുരക്ഷാ ഉദ്യോഗസ്ഥര്‍ പൊലീസിന് കൈമാറി. ജിദ്ദയില്‍ നിന്ന് കൊച്ചിയിലേക്ക് വന്ന യാത്രക്കാരനെയാണ് അധികൃതര്‍ പൊലീസിനെ ഏല്‍പ്പിച്ചത്. എയര്‍ ഇന്ത്യ വിമാനത്തിലാണ് സംഭവം.
തിങ്കളാഴ്ച രാത്രിയിലാണ് സംഭവമുണ്ടാകുന്നത്. മദ്യപിച്ച ശേഷം വിമാനത്തില്‍ ഒപ്പമുണ്ടായിരുന്ന യാത്രക്കാര്‍ക്ക് ശല്യമുണ്ടാകുന്ന രീതിയില്‍ ഇയാള്‍ പെരുമാറുകയായിരുന്നു. പ്രത്യേകിച്ച് കാരണമൊന്നുമില്ലാതെയാണ് ഇയാള്‍ ബഹളം വെച്ചതെന്ന് വിമാനത്തിലുണ്ടായിരുന്ന ജീവനക്കാര്‍ പറഞ്ഞു.
ജീവനക്കാര്‍ ഇയാളോട് ശാന്തനാകാന്‍ അഭ്യര്‍ത്ഥിച്ചെങ്കിലും ഇയാള്‍ വഴങ്ങിയില്ല. ഇതേ തുടര്‍ന്ന് വിമാനം നെടുമ്പാശേരിയില്‍ ഇറങ്ങിയപ്പോള്‍ ഇയാളെ പൊലീസിനെ ഏല്‍പ്പിക്കുകയായിരുന്നു. ലഹരി ഇറങ്ങിയശേഷം ഇയാളെ പൊലീസ് താക്കീത് ചെയ്ത് വിട്ടയയ്ച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ