കാസര്‍കോട്: വെള്ളരിക്കുണ്ട് ബിവറേജ് തീപിടിത്തത്തിൽ കത്തി നശിച്ചു. ഞായറാഴ്ച അര്‍ദ്ധ രാത്രിയിലാണ് തീ പടര്‍ന്നത്. കെട്ടിടം പൂര്‍ണമായും കത്തി നശിച്ചു. ബിവറേജില്‍ ഉണ്ടായിരുന്ന മദ്യം പൂര്‍ണമായും അ​ഗ്നിക്കിരയായി. 

ലക്ഷങ്ങളുടെ നഷ്ടമുണ്ടായതായാണ് കണക്കാക്കുന്നത്. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം. കാഞ്ഞങ്ങാട്ട് നിന്ന് ഒന്നും പെരിങ്ങോത്തു നിന്ന് രണ്ടും യൂണിറ്റ് അഗ്നിശമന സേനയെത്തിയാണ് തീ പൂര്‍ണമായി അണച്ചത്.