ന്യൂഡല്‍ഹി: ലോകസഭാ തിരഞ്ഞെടുപ്പില്‍ കണ്ണന്താനം മത്സരിക്കണമെന്ന് ബിജെപി കേന്ദ്രനേതൃത്വം. പത്തനംതിട്ട മണ്ഡലം കിട്ടിയാല്‍ മത്സരിക്കാമെന്നും ഇല്ലെങ്കില്‍ താല്‍പര്യമില്ലെന്നും കണ്ണന്താനം വ്യക്തമാക്കി. പത്തനം തിട്ട സീറ്റില്‍ മത്സരിക്കാന്‍ കേന്ദ്രമന്ത്രി അല്‍ഫോണ്‍സ് കണ്ണന്താനം നേരത്തേ സന്നദ്ധത അറിയിച്ചിരുന്നു.
അതേസമയം പത്തനംതിട്ടയില്‍ മത്സരിക്കണമെന്ന് താല്‍പര്യം പ്രകടിപ്പിച്ചതായി ശ്രീധരന്‍ പിള്ളയും താല്‍പര്യം പ്രകടിപ്പിച്ചതായി റിപ്പോര്‍ട്ടുകള്‍ പുറത്തു വരുന്നുണ്ട്. പത്തനംതിട്ട, തൃശ്ശൂര്‍, പാലക്കാട്, കോഴിക്കോട്, ചാലക്കുടി സീറ്റുകളെ ചൊല്ലിയാണ് ബിജെപിയില്‍ ആശയക്കുഴപ്പം രൂക്ഷമായി നിലനില്‍ക്കുന്നത്.
തൃശ്ശൂരോ പത്തനംതിട്ടയോ ലഭിക്കാതെ മത്സരത്തിനില്ല എന്ന് കെ സുരേന്ദ്രന്‍ പറഞ്ഞതായി അറിയുന്നു. അതുപോലെ പാലക്കാട് സീറ്റില്‍ കെ കൃഷ്ണകുമാറിന്റെ പേര് നിര്‍ദേശിച്ചും ആശയക്കുഴപ്പമുണ്ടാക്കിയിട്ടുണ്ട്. ശോഭാ സുരേന്ദ്രനെയായിരുന്നു ഇവിടെ നേരത്തെ നിര്‍ദേശിച്ചിരുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ