തിരുവനന്തപുരം: വയനാട്ടില്‍ മത്സരിക്കാന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയെ വെല്ലുവിളിച്ച് ബിജെപി. രാഹുല്‍ വന്നാല്‍ ബിഡിജെഎസിന്റെ അനുമതിയോടെ ബിജെപി കേന്ദ്രനേതൃത്വം ശക്തനായ സ്ഥാനാര്‍ഥിയെ മല്‍സരിപ്പിക്കുമെന്ന് സംസ്ഥാന അധ്യക്ഷന്‍ പി എസ് ശ്രീധരന്‍ പിള്ള പറഞ്ഞു. സംസ്ഥാന നേതൃയോഗത്തിന് ശേഷം തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.
വയനാട്ടില്‍ ഇരുമുന്നണികളും ഒരുമിച്ച് രാഹുല്‍ഗാന്ധിയെ മല്‍സരിപ്പിക്കണമെന്ന് ശ്രീധരന്‍ പിള്ള പറഞ്ഞു. അറുപതുശതമാനം ന്യൂനപക്ഷ ജനസംഖ്യയുളള
മണ്ഡലമാണെങ്കിലും എന്‍ഡിഎ ശക്തമായ മല്‍സരം കാഴ്ചവയ്ക്കും. വയനാട്ടിലെയും സമീപത്തെയും ജില്ല ഘടകങ്ങള്‍ എന്തിനും തയ്യാറാണെന്നും പിള്ള പറഞ്ഞു.
രാവിലെ ചേര്‍ന്ന കോര്‍കമ്മിറ്റിയോഗം പ്രചാരണ സമിതി ഉപാധ്യക്ഷനായി എം ടി രമേശിനെയും ജനറല്‍ കണ്‍വീനറായി ജി രാമന്‍ നായരെയും കണ്‍വീനറായി സി വി ആനന്ദബോസിനെയും നിയോഗിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ