ആലുവ: ഉറങ്ങിക്കിടന്ന യുവതിയുടെ ഒന്നര പവന്റെ പാദസരം മോഷ്ടിച്ചു. കീഴ്മാട് കുന്നുംപുറം ചക്കാലക്കല്‍ വീട്ടില്‍ ജോസഫിന്റെ ഭാര്യയുടെ പാദസരമാണ് നഷ്ടമായത്. 

ഉഷ്ണത്തെ തുടര്‍ന്ന് ജനല്‍ തുറന്നിട്ടിരിക്കുകയായിരുന്നു. യുവതി ഒച്ചവച്ചപ്പോഴേക്കും മോഷ്ടാവ് രക്ഷപ്പെട്ടു. ഉയരം കുറവുള്ള ഒരാളായിരുന്നുവെന്ന് യുവതി പറഞ്ഞു. 

തൊട്ടടുത്ത വീട്ടിലും മോഷണ ശ്രമം നടന്നു. ഇവിടെയും ജനല്‍ക്കമ്പികള്‍ക്കിടയിലൂടെ കൈ കണ്ട് പെണ്‍കുട്ടി ഒച്ചവച്ചതോടെ മോഷ്ടാവ് ഓടി രക്ഷപ്പെട്ടു.