ന്യൂഡല്‍ഹി: വ്യാഴാഴ്ച സത്യപ്രതിജ്ഞ ചെയ്യുന്ന മോദി സര്‍ക്കാരിന്റെ സത്യപ്രതിജ്ഞ ചടങ്ങിലേക്ക് കൊല്ലപ്പെട്ട പാര്‍ട്ടി പ്രവര്‍ത്തകരുടെ കുടുംബങ്ങള്‍ക്ക് ക്ഷണം. ബംഗാളില്‍ കൊല്ലപ്പെട്ട അന്‍പത് പാര്‍ട്ടി പ്രവര്‍ത്തകരുടെ കുടുംബങ്ങള്‍ക്കാണ് സത്യപ്രതിജ്ഞ ചടങ്ങിന് ക്ഷണം ലഭിച്ചത്.
കഴിഞ്ഞ ആറ് വര്‍ഷത്തിനിടെ പശ്ചിമബംഗാളില്‍ 51 പാര്‍ട്ടി പ്രവര്‍ത്തകര്‍ കൊല്ലപ്പെട്ടതായാണ് റിപ്പോര്‍ട്ടുകള്‍. നാളെ നടക്കുന്ന രാഷ്ട്രപതി ഭവനില്‍ സത്യപ്രതിജ്ഞ ചടങ്ങില്‍ 7000 പേര്‍ക്കാണ് ക്ഷണം.
കൊലചെയ്യപ്പെട്ടവരുടെ കുടുംബങ്ങള്‍ വ്യാഴാഴ്ച ഡല്‍ഹിയിലെത്തും. ഇവര്‍ക്ക് ആവശ്യമായ സൗകര്യങ്ങള്‍ ാെഒരുക്കാന്‍ പാര്‍ട്ടി നേതൃത്വം സംസ്ഥാന ഘടകത്തോട് ആവശ്യപ്പെട്ടിട്ടുണ്ട്. ഇക്കഴിഞ്ഞ പഞ്ചായത്ത് തെരഞ്ഞടുപ്പിനിടെയും ലോക്‌സഭാ തെരഞ്ഞടുപ്പിനിടെയും 46 ബിജെപി പ്രവര്‍ത്തകര്‍ കൊല്ലപ്പെട്ടിരുന്നു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ