പത്തനംതിട്ട: ശബരിമല തീർത്ഥാടനം മികച്ച രീതിയിലാണ് ഇത്തവണ പുരോഗമിക്കുന്നത്. സർക്കാർ നിലപാടുകളും വിശ്വാസികൾക്കൊപ്പം ആയതോടെ പ്രതിഷേധക്കാരും കളം മാറി. അതുകൊണ്ടു തന്നെ വിവാദങ്ങളും പ്രതിഷേധങ്ങളും ഒഴിഞ്ഞാണ് ഇത്തവണത്തെ മണ്ഡലക്കാലം.
അതിനിടെ അയ്യപ്പൻമാർക്ക് അന്നദാനം നടത്തി സിപിഎം ലോക്കൽ കമ്മിറ്റിയും സജീവമായി. പത്തനംതിട്ടയിലെ പെരിങ്ങനാട് സിപിഎം ലോക്കല്‍ കമ്മിറ്റിയാണ് അടൂര്‍ ഹൈസ്കൂള്‍ ജംഗ്ഷന് സമീപം കഞ്ഞി സദ്യ നടത്തിയത്. കഞ്ഞീം പയറും അച്ചാറുമാണ് അയ്യപ്പൻമാർക്ക് ഭക്ഷണമായി ഒരുക്കിയിരുന്നത്.
സാധാരണ പത്തനംതിട്ട ജില്ലയിൽ ഇത്തരം സദ്യാലയങ്ങൾ പതിവാണെങ്കിലും സിപിഎം ലോക്കൽ കമ്മിറ്റിയുടെ നേതൃത്വത്തിൽ കഞ്ഞി സദ്യ വേറിട്ട കാഴ്ചയായി. സിപിഎം അടൂർ ഏരിയാ സെക്രട്ടറി അഡ്വ. മനോജാണ് അന്നദാനം ഉദ്ഘാടനം ചെയ്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ