ന്യൂഡല്‍ഹി: കേരള കോണ്‍ഗ്രസ് (എം) ചെയര്‍മാന്‍ ആയി തന്നെ തെരഞ്ഞെടുത്തത് അംഗീകരിക്കണമെന്ന ജോസ് കെ മാണിയുടെ ആവശ്യം തെരഞ്ഞെടുപ്പു കമ്മീഷന്‍ വീണ്ടും തള്ളി. ജോസിനെ തെരഞ്ഞെടുത്തത് ഇടുക്കി മുന്‍സിഫ് കോടതി താത്കാലികമായി തടഞ്ഞ സ്ഥിതിയില്‍ മാറ്റമില്ലെന്നും അനുകൂലമായ പുതിയ ഉത്തരവുകളെന്തെങ്കിലും ഹാജരാക്കണമെന്നും കമ്മീഷന്‍ വ്യക്തമാക്കി.
ജോസിന്റെ ആവശ്യം മുന്‍സിഫ് കോടതിയുടെ ഉത്തരവു ചൂണ്ടിക്കാട്ടി കമ്മീഷന്‍ നേരത്തെയും തള്ളിയിരുന്നു. വീണ്ടും ആവശ്യമുന്നയിച്ചതിനുള്ള മറുപടിയാണ് കമ്മീഷന്‍ കഴിഞ്ഞ ദിവസം നല്‍കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ