കൊച്ചി: വ്യാജ പ്രൊഫൈലുണ്ടാക്കി പുനര്‍ വിവാഹിതര്‍ക്കുള്ള മാട്രിമോണിയല്‍ സൈറ്റ് വഴി വിവാഹ വാഗ്ദാനം നല്‍കി യുവതികളെ പീഡിപ്പിച്ച യുവാവ് അറസ്റ്റില്‍. ഇടുക്കി സ്വദേശി എര്‍വിന്‍ ടി ജോയിയെയാണ് കൊച്ചി കലൂരില്‍ നിന്ന് നെടുമ്പാശ്ശേരി പൊലീസ് പിടികൂടിയത്.
ഇടുക്കി സ്വദേശിനിയായ യുവതിയെ വിവാഹ വാഗ്ദാനം നല്‍കി വിദേശത്ത് നിന്ന് വിളിച്ചുവരുത്തി പീഡിപ്പിക്കുകയും പണവും സ്വര്‍ണാഭരണങ്ങളും തട്ടിയെടുക്കുകയും ചെയ്ത കേസിലാണ് നടപടി. പ്രതി എര്‍വിനെ അങ്കമാലി കോടതിയില്‍ ഹാജരാക്കി റിമാന്‍ഡ് ചെയ്തു.
വേറെ പല യുവതികളെയും സമാന രീതിയില്‍ വഞ്ചിച്ചിട്ടുണ്ടെന്ന് പ്രതി ചോദ്യം ചെയ്യലില്‍ സമ്മതിച്ചു. ഇതു സംബന്ധിച്ച് കൂടുതല്‍ അന്വേഷണം നടത്തുമെന്ന് പൊലീസ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ