ദുബായ്: എറണാകുളം മഹാരാജാസ് കോളജിലെ മുന്‍ സ്റ്റാറ്റിസ്റ്റിക്‌സ് വിഭാഗം പ്രൊഫസര്‍ എം ശ്രീകുമാര്‍ (70) ഷാര്‍ജയില്‍ നിര്യാതനായി. എറണാകുളം പുല്ലേപ്പടി വീക്ഷണം റോഡിലെ മുണ്ട്യാത്ത് കുടുംബാംഗമാണ്.
വ്യാഴാഴ്ച നെഞ്ചു വേദന അനുഭവപ്പെട്ടതിനെ തുടര്‍ന്ന് അദ്ദേഹത്തെ ഷാര്‍ജയിലെ സൗകാര്യ ആശുപത്രിയില്‍ പ്രവേശിപ്പിച്ചു. ഇന്നലെ പുല്‍ച്ചെയോടെയാണ് മരണം സംഭവിച്ചത്.
ഷാര്‍ജയില്‍ അധ്യാപികയായി ജോലി ചെയ്യുന്ന മകളെ സന്ദര്‍ശിക്കാനായി എത്തിയതായിരുന്നു ശ്രീകുമാറും അദ്ദേഹത്തിന്റെ ഭാര്യ ശ്രീകുമാരിയും. ശനിയാഴ്ച നാട്ടിലേക്ക് മടങ്ങാന്‍ തീരുമാനിച്ചിരുന്നു. എന്നാല്‍ ലോക്ക്ഡൗണായതിനാല്‍ വിമാനം ഇല്ലാത്തതിനെ തുടര്‍ന്ന് യാത്ര മുടങ്ങുകയായിരുന്നു.
മൃതദേഹം നാട്ടിലെത്തിക്കാന്‍ കഴിയാത്ത സാഹചര്യമായതിനാല്‍ സംസ്‌കാര ചടങ്ങുകള്‍ ഷാര്‍ജയില്‍ തന്നെ നടത്തുമെന്ന് ബന്ധുക്കള്‍ വ്യക്തമാക്കി.
ചിറ്റൂര്‍, നാട്ടകം ഗവണ്‍മന്റ് കോളജുകളിലും അധ്യാപകനായിരുന്നു അദ്ദേഹം. ഭാര്യ: എ ശ്രീകുമാരി (റിട്ട. ഉദ്യോഗസ്ഥ കെഎസ്ഇബി) മക്കള്‍: ശ്രീജ എസ് (ഷാര്‍ജ), ശ്രീല എസ് (എറണാകുളം). മരുമക്കള്‍: കൃഷ്ണദാസ് (ഷാര്‍ജ), വിജില്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ