കൊല്ലം: തൊഴിലാളികള്‍ക്ക് കൂട്ടത്തോടെ കൊവിഡ് സ്ഥിരീകരിച്ചതിനെ തുടർന്ന് കൊല്ലം ശക്തികുളങ്ങര ഫിഷിംഗ് ഹാര്‍ബര്‍ അടച്ചു. ഹാര്‍ബറിലെ 13 തൊഴിലാളികള്‍ക്കാണ് കൊവിഡ് സ്ഥിരീകരിച്ചത്. ജില്ലാ കളക്ടറാണ് ഹാർബർ അടയ്ക്കുന്നതായി അറിയിച്ചത്. ഇന്നലെ 77 പേർക്കാണ് ജില്ലയിൽ രോ​ഗം സ്ഥ്വിരീകരിച്ചത്. 

അതിനിടെ ഒന്നര മാസമായി അടച്ചിട്ടിരുന്ന ആലുവ മാർക്കറ്റ് ഇന്നു മുതൽ തുറക്കും. ആലുവ ക്ലസ്റ്ററിൽ രോഗവ്യാപനം കുറഞ്ഞിട്ടും മാർക്കറ്റ് തുറക്കുന്നില്ലെന്ന് ആരോപിച്ച് വ്യാപാരികൾ പ്രതിഷേധവുമായി രംഗത്തെത്തിയിരുന്നു. അതിനു പിന്നാലെയാണ് തീരുമാനം. കൂടാതെ ചമ്പര മാർക്കറ്റ് തുറക്കാനും തീരുമാനമായിട്ടുണ്ട്. ഈ ആഴ്ച മാർക്കറ്റ് തുറക്കുമെന്നാണ് അറിയിച്ചിരിക്കുന്നത്.