തിരുവനന്തപുരം: സംസ്ഥാനത്ത് ഇന്നും ഏറ്റവും കൂടുതൽ കോവിഡ് ബാധിതർ തിരുവനന്തപുരത്ത്. ഇന്ന് തലസ്ഥാനത്ത് 310 പേർക്കാണ് രോഗം സ്ഥിരീകരിച്ചത്. കോഴിക്കോട് ജില്ലയിലും രോഗികളുടെ എണ്ണം 300 കടന്നു. ഇന്ന് 304 പേർക്കാണ് കോഴിക്കോട് രോഗം സ്ഥിരീകരിച്ചത്. എറണാകുളം കോട്ടയം ജില്ലകളിൽ 200ലധികം രോഗ ബാധിതരുണ്ട്. ആറ് ജില്ലകളിൽ രോഗികളുടെ എണ്ണം നൂറിന് മുകളിലാണ്.
എറണാകുളം ജില്ലയില് നിന്നുള്ള 231 പേര്ക്കും, കോട്ടയം ജില്ലയില് നിന്നുള്ള 223 പേര്ക്കും, മലപ്പുറം ജില്ലയില് നിന്നുള്ള 195 പേര്ക്കും, കാസര്ക്കോട് ജില്ലയില് നിന്നുള്ള 159 പേര്ക്കും, കൊല്ലം, തൃശൂര് ജില്ലകളില് നിന്നുള്ള 151 പേര്ക്ക് വീതവും, പത്തനംതിട്ട ജില്ലയില് നിന്നുള്ള 133 പേര്ക്കും, കണ്ണൂര് ജില്ലയില് നിന്നുള്ള 112 പേര്ക്കും, ആലപ്പുഴ ജില്ലയില് നിന്നുള്ള 92 പേര്ക്കും, പാലക്കാട് ജില്ലയില് നിന്നുള്ള 45 പേര്ക്കും, ഇടുക്കി ജില്ലയില് നിന്നുള്ള 35 പേര്ക്കും, വയനാട് ജില്ലയില് നിന്നുള്ള 13 പേര്ക്കുമാണ് ഇന്ന് രോഗബാധ സ്ഥിരീകരിച്ചത്.
സംസ്ഥാനത്ത് ഇന്ന് 2154 പേര്ക്കാണ് കോവിഡ് സ്ഥിരീകരിച്ചത്. ഏഴ് പേരാണ് ഇന്ന് മരിച്ചത്. ഇന്ന് രോഗം സ്ഥിരീകരിച്ചവരില് 49 പേര് വിദേശ രാജ്യങ്ങളില് നിന്നും 110 പേര് മറ്റ് സംസ്ഥാനങ്ങളില് നിന്നും വന്നതാണ്. 1962 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 174 പേരുടെ സമ്പര്ക്ക ഉറവിടം വ്യക്തമല്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ