കൊല്ലം: അഞ്ചലിൽ വ്യാപാരിക്ക് നേരെ ആസിഡ് ആക്രമണം. അഞ്ചൽ മുക്കട ജംഗ്ഷനിൽ അഫ്സൽ ഫ്രൂട്സ് കട നടത്തുന്ന ഉസ്മാനാണ് ആസിഡാക്രമണത്തിനു ഇരയായത്. ബൈക്കിലെത്തിയ കുളത്തുപ്പുഴ സ്വദേശികളായ മൂന്ന് പേരാണ് വ്യാപാരിയെ ആക്രമിച്ചത്.

ബന്ധുക്കളും കുളത്തുപ്പുഴ സ്വദേശികളുമായ ഷാജഹാൻ, നാസർ, നിസാർ എന്നിവരാണ്  മുഖത്ത് ആസിഡ് ഒഴിച്ചതെന്ന് ഉസ്മാൻ പൊലീസിന് മൊഴി നൽകിയിട്ടുണ്ട്. കുടുംബ പ്രശ്നങ്ങൾ ആണ് ആക്രമണത്തിന് പിന്നിലെന്ന് പൊലീസ് പറയുന്നു.

രണ്ട് കണ്ണിനും പരിക്കേറ്റതിനെ തുടർന്നു ഉസ്മാനെ തിരുവനന്തപുരത്തെ സ്വകാര്യ കണ്ണാശുപത്രിയിലേക്ക്  മാറ്റി. സംഭവത്തില്‍ കേസെടുത്ത പൊലീസ് അന്വേഷണം ആരംഭിച്ചു.