പത്തനംതിട്ട :സംസ്ഥാന  സർക്കാരിന്റെ  RN426 പൗർണമി ലോട്ടറി ഒന്നാം സമ്മാനം ബധിരനും മൂകനുമായ ലോട്ടറി കച്ചവടക്കാരന്. പാളയംകുന്ന് വില്ലിക്കടവിൽ എസ് ജി നിവാസിൽ പ്രേംകുമാറിനാണ് ഒന്നാം സമ്മാനമായ 70 ലക്ഷം രൂപ ലഭിച്ചത്.

അഞ്ചു വർഷമായി കാൽനടയായി  ലോട്ടറി ടിക്കറ്റ് വിൽക്കുന്ന പ്രേംകുമാർ മറ്റൊരു ഏജന്റായ ദേവരാജന്റെ പക്കൽ നിന്ന് ഒരു ടിക്കറ്റ് വാങ്ങി പകരം മറ്റൊരു ടിക്കറ്റ് നൽകുകയായിരുന്നു.

സമ്മാനാർഹമായ RW 889278 ടിക്കറ്റ് ഒറ്റൂർ സർവീസ് സഹകരണ ബാങ്കിൽ ഏൽപ്പിച്ചു. സ്വന്തമായ  വീടില്ലാത്ത പ്രേംകുമാർ, അമ്മ ഗോമതിയും ഭാര്യ മിജിയും മകൻ പ്രദീപുമൊത്താണ് താമസിക്കുന്നത്.