മീനങ്ങാടി: രേഖകളില്ലാതെ ലോറിയില് കടത്തിയ 60 ലക്ഷം രൂപയുടെ കുഴല്പണം മീനങ്ങാടി പൊലീസ് പിടികൂടി. രണ്ടു പേരെ അറസ്റ്റ് ചെയ്തു. ഡ്രൈവര് ഇരുളം വാളവയല് സ്വദേശി പയ്യാനിക്കല് രാജന്, സഹായി ബത്തേരി കുപ്പാടി സ്വദേശി പള്ളിപറമ്പില് ചന്ദ്രന് എന്നിവരാണ് പിടിയിലായത്.
കൊളഗപ്പാറയില് വച്ചാണ് ലോറിയുടെ രഹസ്യ അറയില് നിന്നു പണം പിടികൂടിയത്. മീനങ്ങാടി ഇന്സ്പെക്ടര് കെ.കെ. അബ്ദുല് ഷെരീഫ്, എഎസ്ഐ ഹരീഷ്കുമാര്, സിവില് പൊലീസ് ഓഫിസര്മാരായ നിഷാദ്, ഫിനു, നിധീഷ്, ഉനൈസ്, സുനീഷ്, കുര്യാക്കോസ്, സുരേഷ്കുമാര് എന്നിവര് നേതൃത്വം നല്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ