തിരുവനന്തപുരം: സംസ്ഥാനത്ത് വിവിധ ആശുപത്രികളിലായി ചികിത്സയില്‍ കഴിയുന്ന കോവിഡ് രോഗികളുടെ എണ്ണം 2098. ഏറ്റവുമധികം പേര്‍ ചികിത്സയില്‍ കഴിയുന്നത് മലപ്പുറം ജില്ലയിലാണ്. 248 പേര്‍. തൊട്ടുപിന്നില്‍ കണ്ണൂര്‍ ജില്ലയാണ്. 226 പേരാണ് ജില്ലയിലെ വിവിധ ആശുപത്രികളില്‍ ചികിത്സയില്‍ കഴിയുന്നത്. കൊല്ലമാണ് മൂന്നാം സ്ഥാനത്ത്. 204 പേര്‍.

ഉറവിടമില്ലാത്ത നിരവധി കേസുകള്‍ റിപ്പോര്‍ട്ട് ചെയ്തതിനെ തുടര്‍ന്ന് അതീവ ജാഗ്രത തുടരുന്ന തിരുവനന്തപുരത്ത് 109 പേരാണ് വിവിധ ആശുപത്രികളില്‍ ചികിത്സയില്‍ കഴിയുന്നത്. പത്തനംതിട്ടയില്‍ 181 പേര്‍ ചികിത്സയില്‍ കഴിയുമ്പോള്‍ ആലപ്പുഴ 196, കോട്ടയം 118, ഇടുക്കി 42, എറണാകുളം 186, തൃശൂര്‍ 180 എന്നിങ്ങനെയാണ് വിവിധ ജില്ലകളില്‍ ചികിത്സയില്‍ കഴിയുന്നവരുടെ കണക്കുകള്‍.

പാലക്കാട് 191 പേരാണ് ചികിത്സയില്‍ കഴിയുന്നത്. ഇന്ന് ഏറ്റവുമധികം പേര്‍ രോഗമുക്തി നേടിയത് പാലക്കാടാണ്. 68 പേരാണ് അസുഖം ഭേദമായി ആശുപത്രി വിട്ടത്. കോഴിക്കോട് 108, വയനാട് 31, കാസര്‍കോട് 78 എന്നിങ്ങനെയാണ് ശേഷിക്കുന്ന ജില്ലകളില്‍ ചികിത്സയില്‍ കഴിയുന്നവരുടെ കണക്ക്.