തിരുവനന്തപുരം: കോവിഡ് വ്യാപനം അതിരൂക്ഷമായി തുടരുന്ന തിരുവനന്തപുരം ജില്ലയില്‍ ഇന്ന് രോഗം സ്ഥിരീകരിച്ചത് 240പേര്‍ക്ക്. ഇതില്‍ 218 പേര്‍ക്കും സമ്പര്‍ക്കംവഴിയാണ് രോഗം സ്ഥിരീകരിച്ചത്. 11 ആരോഗ്യ പ്രവര്‍ത്തകര്‍ക്കും കോവിഡ് സ്ഥിരീകരിച്ചിട്ടുണ്ട്. അതേസമയം, തിരുവനന്തപുരം ജില്ലയില്‍ നിന്നുള്ള 229 പേര്‍ രോഗമുക്തരായി. 

ഇന്ന് ജില്ലയില്‍ പുതുതായി 1,111 പേര്‍ രോഗനിരീക്ഷണത്തിലായി. 1,483 പേര്‍ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂര്‍ത്തിയാക്കി. ജില്ലയില്‍ 15,836 പേര്‍ വീടുകളിലും 1,255 പേര്‍ സ്ഥാപനങ്ങളിലും കരുതല്‍ നിരീക്ഷണത്തിലുണ്ട്. ആശുപത്രികളില്‍ ഇന്ന് രോഗലക്ഷണങ്ങളുമായി 314 പേരെ പ്രവേശിപ്പിച്ചു. 360 പേരെ ഡിസ്ചാര്‍ജ് ചെയ്തു. ജില്ലയില്‍ ആശുപത്രി കളില്‍ 2,440 പേര്‍ നിരീക്ഷണത്തിലുണ്ട്.

ഇന്ന് 645 സാമ്പിളുകള്‍ പരിശോധനയ്ക്കായി അയച്ചു. 1,142 പരിശോധന ഫലങ്ങള്‍ ലഭിച്ചു. ജില്ലയില്‍ 72 സ്ഥാപനങ്ങളിലായി 1,255 പേര്‍ നിരീക്ഷണത്തില്‍ കഴിയുന്നുണ്ട്.