ആലപ്പുഴ : കാരുണ്യ ലോട്ടറിയുടെ ഒന്നാം സമ്മാനം വാടകവീട്ടിലേക്ക്. വാടക വീട്ടിൽ താമസിച്ചുവന്ന ലോറി ഡ്രൈവർ മുതുകുളം തെക്ക് അനുഗ്രഹയിൽ ബൈജുവിനെയാണ് ഭാഗ്യം കടാക്ഷിച്ചത്. കാരുണ്യ ലോട്ടറിയുടെ ഒന്നാം സമ്മാനമായ 80 ലക്ഷം രൂപയാണ് ബൈജുവിന് ലഭിച്ചത്.
വെട്ടത്ത്മുക്കിലെ കടയിൽ നിന്നാണ് ബൈജു ലോട്ടറി ടിക്കറ്റ് വാങ്ങിയത്. സ്ഥിരമായി ലോട്ടറി ടിക്കറ്റ് എടുക്കാറുണ്ട്. നേരത്തെ 50,000 രൂപ വീതം രണ്ടു തവണ സമ്മാനം ലഭിച്ചിട്ടുണ്ട്.
സ്വന്തമായി സ്ഥലം വാങ്ങി വീടു നിർമിക്കണമെന്നാണ് ആഗ്രഹമെന്ന് ബൈജു പറയുന്നു. മക്കളായ ആനന്ദിനെയും ഐശ്വര്യയെയും മെച്ചപ്പെട്ട നിലയിൽ പഠിപ്പിക്കണമെന്നും ബൈജു വ്യക്തമാക്കി. ഷീനയാണ് ബൈജുവിന്റെ ഭാര്യ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ