കൊച്ചി: എറണാകുളം ജില്ലയില്‍ ഇന്ന് കോവിഡ് 19 സ്ഥിരീകരിച്ച 61 പേരില്‍ 60 പേര്‍ക്കും സമ്പര്‍ക്കത്തിലൂടെയാണ് വൈറസ് ബാധയുണ്ടായത്. പത്ത് വയസ്സില്‍ താഴെ പ്രായമുള്ള നാല് കുട്ടികളും രോഗബാധിതരില്‍ ഉള്‍പ്പെടും. നിലവില്‍ 865 പേരാണ് കോവിഡ് സ്ഥിരീകരിച്ച് ജില്ലയിലെ ആശുപത്രികളില്‍ ചികിത്സയില്‍ കഴിയുന്നത്.

ഇന്ന് 126 പേരെ പുതുതായി ആശുപത്രികളില്‍ പ്രവേശിപ്പിച്ചിട്ടുണ്ട്. ജില്ലയില്‍ നിരീക്ഷണത്തിലുള്ളവരുടെ ആകെ എണ്ണം 12934 ആണ്. ഇതില്‍ 10751 പേര്‍ വീടുകളിലും, 253 പേര്‍ കോവിഡ് കെയര്‍ സെന്ററുകളിലും 1930 പേര്‍ പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.