തിരുവനന്തപുരം:  ഇന്ന് 86 പേര്‍ക്ക് കൂടി കോവിഡ് സ്ഥിരീകരിച്ചതോടെ, സംസ്ഥാനത്ത്  കൊറോണ വൈറസ് ബാധയെ തുടര്‍ന്ന് ചികിത്സയില്‍ കഴിയുന്നവരുടെ എണ്ണം 774 ആയി ഉയര്‍ന്നു. കഴിഞ്ഞ ദിവസങ്ങളിലെ പോലെ പാലക്കാടും കണ്ണൂരും തന്നെയാണ് ഏറ്റവുമധികം കോവിഡ് കേസുകള്‍ ഉളളത്. പാലക്കാട് 143 പേരാണ് വിവിധ ആശുപത്രികളില്‍ ചികിത്സയില്‍ കഴിയുന്നത്. കണ്ണൂരില്‍ ഇത് 115 ആണ്.

കാസര്‍കോട്, മലപ്പുറം, തൃശൂര്‍, തിരുവന്തപുരം തുടങ്ങിയ ജില്ലകളാണ് പിന്നാലെ വരുന്നത്. കാസര്‍കോട് 89 പേരാണ് വിവിധ ആശുപത്രികളില്‍ ചികിത്സയില്‍ കഴിയുന്നത്. മലപ്പുറത്ത് ഇത് 79 ആണ്. തൃശൂര്‍ 55, തിരുവനന്തപുരം 54 എന്നിങ്ങനെയാണ്് മറ്റു കണക്കുകള്‍.

കൊല്ലത്ത് 41 പേര്‍ ചികിത്സ തേടി ആശുപത്രിയില്‍ കഴിയുമ്പോള്‍ പത്തനംതിട്ട, ആലപ്പുഴ, കോട്ടയം, ഇടുക്കി എന്നിവിടങ്ങളില്‍ യഥാക്രമം 27, 48,19, 8 എന്നിങ്ങനെയാണ് കോവിഡ് കണക്കുകള്‍. എറണാകുളത്ത് 34 പേരാണ് ചികിത്സയില്‍ കഴിയുന്നത്. കോഴിക്കോട് 48, വയനാട് 14 എന്നിങ്ങനെയാണ് ശേഷിക്കുന്ന ജില്ലകളുടെ കണക്കുകള്‍.

മലപ്പുറം ജില്ലയില്‍ നിന്നുള്ള 15 പേര്‍ക്കും ആലപ്പുഴ ജില്ലയില്‍ നിന്നുള്ള 10 പേര്‍ക്കും കാസര്‍കോട് ജില്ലയില്‍ നിന്നുള്ള 9 പേര്‍ക്കും കൊല്ലം ജില്ലയില്‍ നിന്നുള്ള 8 പേര്‍ക്കും തിരുവനന്തപുരം ജില്ലയില്‍ നിന്നുള്ള 7 പേര്‍ക്കും കോട്ടയം, തൃശൂര്‍, വയനാട് ജില്ലകളില്‍ നിന്നുള്ള 6 പേര്‍ക്ക് വീതവും പാലക്കാട്, കോഴിക്കോട്, കണ്ണൂര്‍ ജില്ലകളില്‍ നിന്നുള്ള 5 പേര്‍ക്ക് വീതവും എറണാകുളം ജില്ലയില്‍ നിന്നുള്ള 3 പേര്‍ക്കും പത്തനംതിട്ട ജില്ലയില്‍ നിന്നുള്ള ഒരാള്‍ക്കുമാണ് ഇന്ന് രോഗം സ്ഥിരീകരിച്ചത്. ഇതില്‍ 46 പേര്‍ വിദേശത്ത് നിന്നും (കുവൈറ്റ്21, യു.എ.ഇ.16, സൗദി അറേബ്യ6, മാലിദ്വീപ്1, ഖത്തര്‍1, ഒമാന്‍1) 26 പേര്‍ മറ്റ് സംസ്ഥാനങ്ങളില്‍ (മഹാരാഷ്ട്ര9, തമിഴ്‌നാട്7, കര്‍ണാടക5, ഡല്‍ഹി3, ഗുജറാത്ത്1, രാജസ്ഥാന്‍1) നിന്നും വന്നതാണ്. 12 പേര്‍ക്ക് സമ്പര്‍ക്കത്തിലൂടെയാണ് രോഗബാധ ഉണ്ടായത്.