മലപ്പുറം: വിദേശ രാജ്യങ്ങളില്‍ നിന്നു തിരിച്ചെത്തിയ 24 പേര്‍ അടക്കം 27 പേര്‍ക്കുകൂടി മലപ്പുറത്ത് പുതുതായി കോവിഡ് സ്ഥിരീകരിച്ചു. ഒരു ദിവസത്തെ രോഗികളുടെ എണ്ണത്തില്‍ ജില്ലയിലുണ്ടായ ഏറ്റവും വലിയ വര്‍ധനയാണിത്. 2 പേര്‍ക്കു സമ്പര്‍ക്കത്തിലൂടെയാണു രോഗം ബാധിച്ചത്. ഇതോടെ കോവിഡ!് ബാധിച്ച് ജില്ലയില്‍ ചികിത്സയിലുള്ളവരുടെ എണ്ണം 148 ആയി. പുതുതായി 683 പേരെ ഇന്നലെ പ്രത്യേക നിരീക്ഷണത്തില്‍ പ്രവേശിപ്പിച്ചു.ഒരേ വിമാനത്തിലെത്തില്‍ എത്തിയ ആറ് പേര്‍ക്ക് വരെ രോഗം സ്ഥിരീകരിച്ചിട്ടുണ്ട്.

സംസ്ഥാനത്ത് 107 പേര്‍ക്ക് കൂടിയാണ് ആകെ ഇന്ന് കോവിഡ് സ്ഥിരീകരിച്ചു. രോഗികളുടെ എണ്ണം നൂറ് കടക്കുന്നത് തുടര്‍ച്ചയായ മൂന്നാംദിവസമാണ്. നാളെ കൂടുതല്‍ ഇളവുകളിലേക്ക് സംസ്ഥാനം കടക്കാനിരിക്കെയാണ് രോഗികളുടെ എണ്ണത്തില്‍ ഈ വന്‍ വര്‍ധന.

മലപ്പുറം ജില്ലയില്‍ 27 പേര്‍ക്കൊപ്പം തൃശ്ശൂരില്‍ 26 പേര്‍ക്കും രോഗബാധയുണ്ടായി. പത്തനംതിട്ട 13, കൊല്ലം 9, ആലപ്പുഴ 7, പാലക്കാട്, കോഴിക്കോട് ജില്ലകളില്‍ 6 പേര്‍ക്ക് വീതം,  തിരുവനന്തപുരം 4, കോട്ടയം, കാസര്‍ഗോഡ് ജില്ലകളില്‍ 3 പേര്‍ക്ക് വീതം, കണ്ണൂര്‍ 2, ഇടുക്കി ജില്ലയില്‍ ഒന്ന് എന്നിങ്ങനെയാണ് രോഗം സ്ഥിരീകരിച്ചത്.