തിരുവനന്തപുരം: മെഡിക്കൽ കോളജിലെ കോവിഡ് വാർഡിൽ വീണ്ടും ആത്മഹത്യാ ശ്രമം. രോഗ ലക്ഷണങ്ങളെ തുടർന്ന് ഇന്ന് രാവിലെ ആശുപത്രിയിൽ പ്രവേശിപ്പിച്ച നെടുമങ്ങാട് സ്വദേശിയാണ് വാർഡിൽ തൂങ്ങി മരിക്കാൻ ശ്രമിച്ചത്.
ഗുരുതരാവസ്ഥയിലായതിനെ തുടർന്ന് ഇയാളെ തീവ്ര പരിചരണ വിഭാഗത്തിലേക്ക് മാറ്റി. നിരീക്ഷണത്തിലുണ്ടായിരുന്ന ഇയാൾക്ക് കോവിഡ് സ്ഥിരീകരിച്ചിട്ടില്ല. സ്രവം പരിശോധനയ്ക്കായി ശേഖരിച്ചിട്ടുണ്ട്.
ചികിത്സക്കിടെ ചാടിപ്പോയി തിരികെയെത്തിയ ആനാട് സ്വദേശി ആത്മഹത്യ ചെയ്തിരുന്നു. ഈ സംഭവം കഴിഞ്ഞ മണിക്കൂറുകൾ കഴിയുമ്പോഴാണ് സമാനമായ മറ്റൊരു സംഭവം കൂടി. ആത്മഹത്യയ്ക്ക് ശ്രമിച്ച് ഗുരുതരാവസ്ഥയിലായിരുന്ന ആനാട് സ്വദേശി ഇന്ന് ഉച്ചയോടെയാണ് മരിച്ചത്.
ചികിത്സയ്ക്കിടെ ചാടിപ്പോയ ഇയാളെ ഇന്നലെ ആശുപത്രിയിൽ തിരിച്ചെത്തിച്ചെങ്കിലും ഇന്ന് രാവിലെ വാർഡിൽ തൂങ്ങി മരിക്കാൻ ശ്രമിക്കുകയായിരുന്നു. ഇന്ന് ഡിസ്ചാർജ് ചെയ്യാനിരിക്കെയാണ് സംഭവം. സംഭവത്തിൽ ആരോഗ്യമന്ത്രി അന്വേഷണത്തിന് ഉത്തരവിട്ടു. മെഡിക്കൽ വിദ്യാഭ്യാസ ഡയറക്ടർക്കാണ് അന്വേഷണ ചുമതല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ