തിരുവനന്തപുരം: യുവാവിനെയും യുവതിയെയും തൂങ്ങി മരിച്ച നിലയിൽ കണ്ടെത്തി. തിരുവനന്തപുരം കാട്ടാകടയിലാണ് സംഭവം. രഞ്ജു (34), കുഞ്ഞുമോൾ (36) എന്നിവരാണ് മരിച്ചത്.

ഊരുട്ടമ്പലം സ്വദേശികളായ ഇരുവരും ഓട്ടോറിക്ഷ ഓടിക്കുന്നവരായിരുന്നു. കാട്ടാക്കടയിലെ വാടക വീട്ടിൽ ഒന്നിച്ച് താമസിക്കുകയായിരുന്നു. വാടക വീട്ടിൽ തന്നെയാണ് ഇവരെ തൂങ്ങി മരിച്ച നിലയിൽ കണ്ടെത്തിയത്.

രഞ്ജുവിന്റെ സുഹൃത്ത് ഇയാളെ കാണാത്തതിനെ തുടർന്ന് വീട്ടിൽ അന്വേഷിച്ചെത്തി. ഫോണിൽ ബന്ധപ്പെടാൻ ശ്രമിച്ചെങ്കിലും ലഭിച്ചില്ല. പിന്നാലെ നടത്തിയ അന്വേഷണത്തിലാണ് വീടിന്റെ അടുക്കളയിൽ തൂങ്ങി നിൽക്കുന്ന നിലയിൽ ഇരുവരേയും കണ്ടെത്തിയത്.