തിരുവനന്തപുരം: ജില്ലയില്‍ ഇന്ന് 9പേര്‍ക്ക് കോവിഡ് 19 സ്ഥിരീകരിച്ചു. ഇതില്‍ സൈനികനും ഉള്‍പ്പെടുന്നു. ജമ്മു കശ്മീരില്‍ നിന്ന് മുണ്ടനാട് എത്തിയ 32കാരനാണ് രോഗം സ്ഥിരീകരിച്ചത്. ജമ്മു കാശ്മീരില്‍ നിന്ന് 19നാണ് ഇദ്ദേഹം നാട്ടിലെത്തിയത്.

നേരത്തെ രോഗം സ്ഥിരീകരിച്ചയാളുടെ പ്രാഥമിക സമ്പര്‍ക്കപ്പട്ടികയില്‍ ഉള്‍പ്പെട്ട പുത്തന്‍തോപ്പ് വള്ളക്കടവ് സ്വദേശിയായ 50കാരിക്കും രോഗം സ്ഥിരീകരിച്ചു. ഇന്ന്  ജില്ലയില്‍ പുതുതായി  1412 പേര്‍  രോഗനിരീക്ഷണത്തിലായി. 803 പേര്‍ നിരീക്ഷണ കാലയളവ് രോഗ ലക്ഷണങ്ങളൊന്നുമില്ലാതെ പൂര്‍ത്തിയാക്കി.

2,5013  പേര്‍ വീടുകളിലും 1,813 പേര്‍  സ്ഥാപനങ്ങളിലും കരുതല്‍ നിരീക്ഷണത്തിലുണ്ട്. ആശുപത്രികളില്‍ ഇന്ന് രോഗലക്ഷണങ്ങളുമായി 20 പേരെ പ്രവേശിപ്പിച്ചു. 32 പേരെ ഡിസ്ചാര്‍ജ് ചെയ്തു. ആശുപത്രികളില്‍  166പേര്‍ നിരീക്ഷണത്തില്‍ ഉണ്ട്.