ദുബായ്: യുഎഇയിൽ കോവിഡ് ബാധിച്ചു ഒരു മലയാളി കൂടി മരിച്ചു. തിരൂർ താനൂർ സ്വദേശി കമാലുദ്ദീന്‍ (52) കുളത്തുവട്ടിലാണ് മരിച്ചത്. ദുബായിലെ അൽ ബറാഹ ആശുപത്രിയിൽ ചികിൽസയിലായിരിക്കെയാണ് മരണം.
യുഎഇയിൽ 24 മണിക്കൂറിനിടെ നാലു മലയാളികളാണ് കോവിഡ് ബാധിച്ചു മരിച്ചത്. ഇന്നലെ അബുദാബിയില്‍ പത്തനംതിട്ട സ്വദേശിയായ റോഷനാണ് മരിച്ചത്. റാസല്‍ഖൈമയില്‍ ചാവക്കാട് സ്വദേശിയും മരണത്തിന് കീഴടങ്ങിയിരുന്നു. കോതമംഗലം സ്വദേശി നിസാറാണ് അജ്മാനില്‍ മരിച്ചത്. ഇതോടെ കോവിഡ് ബാധിച്ച് യുഎഇയിൽ മരിച്ച മലയാളികളുടെ എണ്ണം 33 ആയി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ