തിരുവനന്തപുരം: കളിയിക്കാവിള ചെക്ക്‌പോസ്റ്റില്‍ കുടുങ്ങിയ അമ്പത് മലയാളികളെ കേരളത്തിലേക്ക് കടത്തി വിട്ടു. തമിഴ്‌നാട് സര്‍ക്കാരിന്റെ ഇ- പാസ് ഇല്ലാത്തതിനാലാണ് ഇവരെ തമിഴ്‌നാട് പൊലീസ് തടഞ്ഞുവച്ചത്. തിരുവനന്തപുരം ജില്ലാ കലക്ടര്‍ നഗര്‍കോവില്‍ കലക്ടറുമായി നടത്തിയ ചര്‍ച്ചയ്ക്ക് ശേഷമാണ് ഇവരെ കടത്തിവിട്ടത്.
ചൊവ്വാഴ്ച രാവിലെ എട്ടുമണിയോടെ ചെക്ക്‌പോസ്റ്റിലെത്തിയ അമ്പത് പേരെ തമിഴ്‌നാട് പൊലീസ് തടഞ്ഞുവയ്ക്കുകയായിരുന്നു. നോര്‍ക്കയില്‍ രജിസ്റ്റര്‍ ചെയ്ത രേഖകളുമായാണ് ഇവര്‍ എത്തിയത്. എന്നാല്‍ തമിഴ്‌നാട് സര്‍ക്കാരിന്റെ ഇ പാസ് ഇല്ലാതെ കടത്തിവിടില്ലെന്ന് തമിഴ്‌നാട് പൊലീസ് നിര്‍ബന്ധം പിടിക്കുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ