കാസർകോട്: അമിതവേഗതയിൽ ഓടിച്ചു വന്ന ബൈക്കിനെ കൈകാണിച്ച് നിർത്താനാവശ്യപ്പെട്ട പൊലീസുകാരനെ ബൈക്കിടിച്ച് തെറിപ്പിച്ചു. ഗുരുതരമായി പരിക്കേറ്റ എ.ആർ ക്യാമ്പിലെ പൊലീസുകാരൻ കാലിക്കടവിലെ സനൂപി( 28) നെ മംഗളൂരുവിലെ ആശുപത്രിയിൽ പ്രവേശിപ്പിച്ചു.

ചൊവാഴ്ച വൈകീട്ട് ആറരയോടെ ഉളിയത്തടുക്കയിലാണ് സംഭവം. ലോക്ക്ഡൗണി​ന്റെ ഭാഗമായി ഡ്യൂട്ടി ചെയ്തു വരികയായിരുന്ന പൊലീസുകാരൻ ബൈക്ക് നിർത്താൻ ആവശ്യപ്പെട്ടപ്പോൾ ഇടിച്ച് തെറിപ്പിക്കുകയായിരുന്നു. ബൈക്ക് ഓടിച്ചിരുന്ന മധൂർ സ്വദേശി അമാൻ സ്വകാര്യ ആശുപത്രിയിൽ ചികിത്സ തേടി.