മലപ്പുറം: കേരളത്തില്‍ നിന്ന് അതിഥി തൊഴിലാളികളെ കടത്താന്‍ ശ്രമം. കൊച്ചിയില്‍ നിന്ന് ലോറിയില്‍ രാജസ്ഥാനിലേക്ക് പോയ 72 പേര്‍ തമിഴ്‌നാട്ടില്‍ പിടിയിലായി. ഗൂഢല്ലൂരിനടുത്ത് കാക്കനഹള്ളിയില്‍ തമിഴ്‌നാട് പൊലീസാണ് ലോറി തടഞ്ഞത്. ഒരു ലോറിയില്‍ 72 അതിഥി തൊഴിലാളികളെ കുത്തിനിറച്ചായിരുന്നു യാത്ര.
കൊച്ചിയില്‍ നിന്ന് ഒരു പരിശോധനയും നടത്താതെ പല ജില്ലകളും കടന്ന് മലപ്പുറത്തെ വഴിക്കടവ് ചെക്ക് പോസ്റ്റ് കേരള, തമിഴ്‌നാട് ഗൂഡല്ലൂരിനടത്തുള്ള കാക്കനഹള്ളി ചെക്ക്‌പോസ്റ്റില്‍ വച്ചാണ് വണ്ടി തടഞ്ഞത്. തൊഴിലാളികളെ അവിടെ തന്നെ തമിഴ്‌നാട് സര്‍ക്കാര്‍ ബസുകളില്‍ ഇവരെ കൊച്ചിയിലേക്ക് തിരിച്ചുകൊണ്ടുവരികയാണ്.
തൊഴിലാളികളെ കൊച്ചിയിലേക്കെത്തിച്ച കമ്പനി തന്നെയാണ് ഇവരെ ഇത്തരത്തില്‍ മടക്കി അയച്ചതെന്നാണ് തമിഴ്‌നാട് പൊലീസ് പറയുന്നത്. ലോറി ഡ്രൈവര്‍ക്കെതിരെയും വാഹന ഉടമയ്‌ക്കെതിരെയും കേസെടുത്തിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ