തിരുവനന്തപുരം: ആഴ്ചയിൽ മൂന്ന് ദിവസം ടിക്കറ്റ് നിരക്കുകളിൽ ഇളവുമായി കെഎസ്ആർടിസി. ചൊവ്വ, ബുധൻ, വ്യാഴം ദിവസങ്ങളിലാണ് കുറഞ്ഞ നിരക്കിൽ യാത്ര‌ചെയ്യാനാകുക. സൂപ്പർ ഫാസ്റ്റ്, സൂപ്പർ എക്സ്പ്രസ്, സൂപ്പർ ഡീലക്സ് ബസുകളിലാണ് ഇളവ് ലഭിക്കുക. 25 ശതമാനം നിരക്കിളവ് ലഭിക്കും.
കോവിഡ് സാഹചര്യത്തിൽ യാത്രക്കാർ കുറഞ്ഞ പശ്ചാത്തലത്തിലാണ് തീരുമാനം. ദീർഘദൂര ബസുകളടക്കം സർവീസ് തുടങ്ങിയെങ്കിലും യാത്രക്കാരുടെ എണ്ണം താരതമ്യേന കുറവാണ്. ഇനിയൊരു അറിയിപ്പുണ്ടാകുന്നത് വരെ ടിക്കറ്റ് നിരക്ക് കുറച്ച് തന്നെ മുന്നോട്ട് പോകാനാണ് കെഎസ്ആർടിസിയുടെ തീരുമാനം.
അവധി ദിവസമല്ലാത്ത എല്ലാ ചൊവ്വ, ബുധൻ, വ്യാഴം ദിവസങ്ങളിലും ഇളവ് ലഭിക്കും. അവധി ദിനമാണെങ്കിൽ പിറ്റേ ദിവസം ഈ ഇളവ് ലഭ്യമാവില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ