കണ്ണൂര്‍: കീഴാറ്റൂരില്‍ ബൈപ്പാസ് നിര്‍മ്മാണത്തിന് എതിരെ വീണ്ടും സമരവുമായി വയല്‍ക്കിളികള്‍. മുഖ്യമന്ത്രിയുടെ കോലം കത്തിച്ചു. ബൈപ്പാസ് നിര്‍മ്മാണത്തിനെതിരെ സമരം തുടരുമെന്ന് സംഘടനയുടെനേതാവ് സുരേഷ് കീഴാറ്റൂര്‍ പറഞ്ഞു. കര്‍ഷക സമരങ്ങളെ ഒറ്റുകൊടുക്കുന്ന നിലപാടാണ് സിപിഎം സ്വീകരിക്കുന്നത് എന്നും അദ്ദേഹം കൂട്ടിച്ചേര്‍ത്തു.
ദേശീയപാതാ വികസനവുമായി ബന്ധപ്പെട്ട് കേന്ദ്ര ഉപരിതല ഗതാഗത മന്ത്രി നിധിന്‍ ഗഡ്കരിയും മുഖ്യമന്ത്രി പിണറായി വിജയനും ചേര്‍ന്ന് നിര്‍മ്മാണ പ്രവര്‍ത്തനങ്ങളുടെ ഉദ്ഘാടനം നടത്തിയ പശ്ചാത്തലത്തിലാണ് സമരം.
ബൈപ്പാസ് നിര്‍മ്മാണം തടയുമെന്ന് സുരേഷ് കീഴാറ്റൂര്‍ പറഞ്ഞു. മുഖ്യമന്ത്രിയുടെ കോലം കത്തിച്ചത് അതിന്റെ സൂചനയാണ്. ബൈപ്പാസ് നിര്‍മ്മാണത്തിനെതിരെ നിഥിന്‍ ഗഡ്കരിയുടെ കോലവും പ്രതിഷധക്കാര്‍ കത്തിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ