പാലക്കാട്: ആഡംബരക്കാറിലും അരിലോറിയിലുമായി 66 കിലോ കഞ്ചാവ് കടത്തിയ നാലുപേര്‍ അറസ്റ്റില്‍. എഴുപത്തിയഞ്ച് ലക്ഷം വിപണി മൂല്യമുള്ള കഞ്ചാവാണ് ഇവരില്‍ നിന്നും എക്‌സൈസ് ഉദ്യോഗസ്ഥര്‍ പിടിച്ചെടുത്തത്. സംസ്ഥാന അതിര്‍ത്തിയായ നടുപ്പുണി വഴിയാണ് കാറിലും, ആന്ധ്രയില്‍ നിന്ന് അരികയറ്റിയ ലോറിയിലുമായി കേരളത്തിലേക്ക് കഞ്ചാവ് കടത്താന്‍ ശ്രമിച്ചത്.
ആലത്തൂര്‍ സ്വദേശികളായ ഹക്കീം, തൃശൂര്‍ സ്വദേശി ജോസഫ് വില്‍സണ്‍, തമിഴ്‌നാട്ടുകാരായ രണ്ടുപേരുമാണ് പിടിയിലായത്. വാളയാര്‍, ഗോവിന്ദാപുരം, ഗോപാലപുരം, നടുപ്പുണി തുടങ്ങിയ സംസ്ഥാന അതിര്‍ത്തികള്‍ വഴി വന്‍തോതില്‍ കഞ്ചാവ് കടത്തുന്നതായി രഹസ്യവിവരം ലഭിച്ചതിന്റെ അടിസ്ഥാനത്തിലാണ് പരിശോധന നടത്തിയത്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ