കോഴിക്കോട്: ബാലുശ്ശേരിയില്‍ എല്‍ഡിഎഫ്-യുഡിഎഫ് സംഘര്‍ഷം. കരുമലയില്‍ യുഡിഎഫ് പ്രകടനത്തിനിടെയാണ് സംഘര്‍ഷമുണ്ടായത്. നിരവധിപേര്‍ക്ക് പരിക്കേറ്റിട്ടുണ്ട്. പരിക്കേറ്റവരെ താമരശ്ശേരി ആശുപത്രിയില്‍ പ്രവേശിപ്പിച്ചു. കൂടുതല്‍ സംഘര്‍ഷ സാധ്യത കണക്കിലെടുത്ത് സ്ഥലത്ത് പൊലീസ് ക്യാമ്പ് ചെയ്യുന്നു.
പോളിങ് ദിനത്തില്‍ മേഖയിലെ ബൂത്തിലെത്തിയ യുഡിഎഫ് സ്ഥാനാര്‍ത്ഥി ധര്‍മജനെ എല്‍ഡിഎഫ് പ്രവര്‍ത്തകര്‍ തടഞ്ഞിരുന്നു. ശിവപുരം 187,188ബൂത്തില്‍ വെച്ചാണ് ധര്‍മജനെ തടഞ്ഞത്. ബൂത്തിലെത്തിയ തന്റെ നേര്‍ക്ക് ഡിവൈഎഫ്‌ഐ പ്രവര്‍ത്തകര്‍ കയ്യോങ്ങുകയും അടിക്കാന്‍ ശ്രമിക്കുകയും ചെയ്തതായി ധര്‍മജന്‍ ആരോപിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ